Sahitya Chorcha

২০১২ চনৰ ৭ মাৰ্চ ৰ দিনাখন Druk Airlines অৰ বিমান খনে পূৱা ১০ বজাত গুৱাহাটী বিমানবন্দৰৰ পৰা ভূটানৰ পাৰো চহৰলৈ উৰা মাৰিলে৷ অভিনন্দন JCB India Ltd. অৰ গুৱাহাটীৰ ৰিজিওনেল অফিছত যোগদান কৰাৰ একমাহৰ পাছতেই এক বিশেষ কামত ভূটানলৈ আহিছে৷ জীৱনত প্ৰথমবাৰৰ কাৰণে ভূটান যাত্ৰাৰ সোনোৱালী সুযোগ অহাৰ লগে লগে অভিনন্দন ৰোমাঞ্চিত হৈ পৰিছিল৷ সৰুতে স্কুলৰ বন্ধত নলবাৰীৰ মামাকৰ ঘৰলৈ গলে সুদুৰৰ পাহাৰবোৰ দেখুৱাই দেউতাকে কিম্বদন্তিৰ দেশ ভূটানৰ বিষয়ে বহু কথা কৈছিল৷ তেতিয়াৰ পৰাই অভিনন্দন ভূটানৰ প্ৰতি আকৃষ্ট হৈছিল আৰু থিম্ফু ভ্ৰমণৰ আশা মনত পুহি ৰাখিছিল৷ ভূটানৰ ওপৰত অভিনন্দনৰ সৰু কালিৰ ঘটনা এটাও ৰিনিকি ৰিনিকি মনত পৰি গল৷ এবাৰ বহুত সৰু বয়সতেই অভিনন্দনে মাক আৰু দেউতাকৰ লগত গুৱাহাটীৰ পৰা নলবাৰীৰ মামাকৰ ঘৰলৈ গৈ আছিল৷ তেতিয়া গুৱাহাটীৰ পৰা নলবাৰীৰ চামতালৈ যাবলৈ হলে ৰঙিয়াত বাছ সলনি কৰিব লগীয়া হৈছিল৷ সেই দিনাখন অভিনন্দনহত চামতা অভিমুখে যাব লগীয়া প্ৰতীক্ষাৰত বাছ এখনত কিছু সময় বহাৰ পাছত তাৰ কাৰণে বিস্কুট আনিবলৈ দেউতাক বাছখনৰ পৰা নামি গৈছিল৷ দেউতাক নামি যোৱাৰ পাছতে মাকে তৰ্কিব নোৱাৰাকৈ সিও বাছৰ পৰা নামি গল৷ কিন্ত বিধিৰ দুৰ্বিপাকত সি অজস্ৰ যানবাহনৰ যানযটৰ মাজত ৰঙিয়া বাছ আস্থানত হেৰাই গল৷ উপায়ান্তৰ হৈ ভয়তে সি কান্দি কান্দি ভূটানলৈ যোৱা বাছ এখনতে উঠি মাক দেউতাকক বিছাৰিবলৈ ধৰিলে৷ ভূটীয়া ড্ৰাইভাৰ জনে তাক অভয় দি বহু সময় ধৰি বাছ খন ৰখাই থৈছিল৷ আৰু সেই বুঢ়া ভূটীয়া ড্ৰাইভাৰজনে কান্দোন ৰখাবলৈ তাৰ হাতত কমলা গুজি দিছিল৷ ভাগ্যক্রমে কিছু সময়ৰ পাছত দেউতাকে বিচাৰি বিচাৰি আহি অৱশেষত তাক বাছ খনৰ পৰা উদ্ধাৰ কৰি লৈ গৈছিল৷ টাছি দেলেক, Druk Airlines অৰ এইয়াৰ হোষ্টেজ জনীৰ মিঠা মাতত অভিনন্দনে সম্বিত ঘুৰাই পালে৷ চিন্তা বিভোৰ হৈ সি কিমান সময় ধৰি বিমানত বহি আছিল গমেই পোৱা নাছিল৷ ভূটীয়া সকলে অতিথিক সম্ভাষণ জনাবলৈ টাছি দেলেক বুলি কয়৷ টাছি দেলেক এটা তিব্বতীয় শব্দ আৰু ইয়াৰ অৰ্থ হল স্বাগতম৷ এয়াৰ হোষ্টেজ জনীয়ে কৰা ঘোষনাৰ পৰা জনা গল তাহাঁতৰ বিমানখনে ইতিমধ্যেই ২৫ মিনিট সময় আকাশমাৰ্গত অতিবাহিত কৰি ছামদ্ৰুপ জংখাৰৰ আকাশমাৰ্গৰ পৰা গৈ পাৰোৰ আকাশৰ বুকুত সোমাইছে ৷ তাহাঁতৰ বিমানখন ইতিমধ্যে অবতৰনৰ কাৰণে সাজু হৈছে গতিকে এয়াৰ হোষ্টেজ জনীয়ে যাত্ৰী সকলক জলপান গ্ৰহণ কৰিবলৈ অনুৰোধ কৰিলে৷ অভিনন্দনে আকাশমাৰ্গৰ পৰা ভুটানৰ নৈসৰ্গিক দৃশ্যাৱলী দেখি অভিভূত হৈ পৰিছিল৷ মাৰ্চ মাহৰ ভূটানৰ নীলাভ আকাশৰ পৰা তুষাৰে আৱৰি থকা সূদুৰৰ ওখ ওখ পৰ্বতৰ শৃঙ্গবোৰ ৰদৰ পোহৰত জকমকাই আছিল৷ বিমানৰ খিৰিকীখনৰে দুৰৈৰ তিব্বত সীমান্ত আৰু হিমালয়ৰ গিৰিমালাৰ দৃশ্য উপভোগ কৰিব পাই সি নিজকেই ধন্য মানিছিল৷ কিছুসময়ৰ পাছতেই অভিনন্দনহতৰ বিমানখন আকাশমাৰ্গৰ পৰা লাহে লাহে তললৈ নামিব ধৰিলে৷ দুখন পাহাৰৰ মাজেৰে বিমানখন নামি আহোতে তাৰ এনেকুৱা লাগিছিল যেন বিমানখনৰ পাখি দুখন পাহাৰত লাগিয়েই যাব৷ কিছু উৎকন্ঠাভৰা মুহুৰ্ত্তৰ অবসান ঘটাই অৱশেষত বিমানখনে পাৰো আন্তৰাষ্ট্ৰীয় বিমানবন্দৰত সফলতাৰে অবতৰন কৰিলে ৷ অভিনন্দনে দেখিলে গুৱাহাটীৰ পৰা সৰ্বমুঠ ৪০ মিনিট সময়ৰ ভিতৰত সি গুৱাহাটীৰ পৰা ভূটানৰ পাৰো পাই গল৷ দুইখন পাহাৰৰ মাজৰ সমতল ভূমিৰ পাৰো বিমানবন্দৰত ভৰি দি অনুৰাগ ৰোমাঞ্চিত হৈ পৰিছিল৷ ইমান ধুনীয়া আটোমটোকাৰিকৈ সজাই পৰাই ৰখা ৰানৱে আৰু টেক্সি লেনত ফু মাৰি ভাত খাব পাৰি৷ ৰানৱেৰ এঠাইত ৰজা আৰু ৰাণীৰ ফটোসহ এখন বিশাল হৰ্ডিং লগোৱা আছিল৷ বিমানত অহা পৰ্যটক সকলো তাৰ সমানেই ৰোমাঞ্চিত হৈ পৰিছিল৷ তেওঁলোকে পাৰো বিমানবন্দৰৰ অপূৰ্ব প্ৰাকৃতিক শোভাৰ ফটো তোলা, চেল্ফী লোৱা আদিত মতলীয়ান হৈ পৰিছিল৷ যথাসময়ত পাছপোৰ্ট খন এনদোৰ্ছ কৰি অভিনন্দন এয়াৰপৰ্টৰ পৰা ওলাই আহিল৷ কাঠৰ কামকাজ কৰা পাৰো এয়াৰপৰ্টটো সৰু যদিও খুব ধুনীয়াকৈ সজাই পৰাই ৰখা হৈছিল৷ এয়াৰপৰ্টৰ বাহিৰত টেক্সি ড্ৰাইভাৰ সকল এজনৰ পাছত এজন শাৰী পাতি ৰৈ আছিল৷ নিয়মানুবৰ্তী অনুযায়ী তেওঁলোকে যাত্ৰীসকলক নিজৰ নিজৰ টেক্সি লৈ আগবাঢ়াই নিছিল৷ পাৰো আন্তঃৰাষ্ট্ৰীয় বিমানবন্দৰটোৰ ভিতৰ আৰু বাহিৰত অকনো হাই উৰুমি নাছিল৷ এয়াৰপৰ্টৰ সকলো কৰ্মচাৰীৰ লগতে চাফাইকৰ্মী, বিমানসেৱী , চিকিউৰিটি অফিচাৰ আৰু টেক্সিছালক সকলোৱেই ভূটানৰ পাৰম্পৰিক বস্ত্র পৰিধান কৰিছিল ৷ এয়াৰপৰ্ট টোৰ পৰিবেশ ইমানেই ছফা আৰু নিৰল নিস্তব্ধ আছিল অভিনন্দনৰ জাৰ্মানীৰ হেনৱভাৰ বিমানবন্দৰটোলৈ মনত পৰি গল৷ Ingersoll Rand Company ত কাম কৰি থকা সময়তে প্ৰথম বাৰ ২০০৭ চনত অভিনন্দন জাৰ্মানীৰ হেমলিনলৈ যাওতে হেনৱভাৰ বিমানবন্দৰত নামিছিল ৷ সেই সুদুৰৰ জাৰ্মানীৰ হেনৱভাৰ বিমানবন্দৰ আৰু ভূটানৰ পাৰো বিমানবন্দৰ মাজত সি কিছুমান সাদৃশ্য বিচাৰি পাইছিল৷ হেনৱভাৰ বিমানবন্দৰটোৰ দৰে পাৰো বিমানবন্দৰটোৰ পৰা থিম্ফু চহৰলৈ যোৱা ৰাস্তাটোৰ দুই কাষ শাৰী শাৰী সৰলগছ দেখি সি অভিভুত হৈ পৰিছিল৷ বিমানবন্দৰৰ সন্মুখত ৰৈ থকা টেক্সি ড্ৰাইভাৰ এজন অভিনন্দনৰ ফালে আগুৱাই আহি গন্তব্যস্থানৰ সন্ধান লোৱাৰ পাছত তাৰ সামগ্ৰী খিনি গাড়ী তুলি দিলে৷ অবশেষত অভিনন্দনে বহু বছৰৰ প্ৰতীক্ষাৰ অন্তত ভুটান আৰু ভূটীয়া সকলৰ বিষয়ে মনৰ জিজ্ঞাসা আৰু কৌতুহলৰ জোলোঙাখন কান্ধত লৈ গন্তব্যস্থান থিম্ফুলৈ বুলি যাত্রা আৰম্ভ কৰিলে৷ #Assamesegolpa #assamesejatra #bihangam #SahityaChorcha

আন্ধাৰবোৰে ঘেৰি ধৰিছে চাৰিওফালৰ পৰা ডাঠ চামনিৰ প্ৰলেপৰ আচ্ছাদনত গভীৰৰ পৰা গভীৰতৰ হৈছে সময়। গভীৰ নিশাৰ হাহাকাৰ ফালি উফৰি পৰিছে অশৰীৰি আত্মাৰ চিঁঞৰ। বুকুৰ ধপধ্পনিত কঁপিছে শৰীৰৰ হাড় ঠৰঠৰকৈ বাজিছে দুপাৰি দাঁতৰ শব্দ। ঘৰ্মাক্ত দেহৰ পৰা কাপোৰবোৰ সৰি পৰিছিল এখন এখনকৈ। আশংকাত মুদ খাই পৰিছিল দুচকু হাত ভৰি সোমাই পৰিছিল বুকুৰ মাজৰ ক’ৰবাত। ঘণ কুঁৱলি ফালি ওলাই অহা পোহৰৰ ৰেঙণিয়ে কঢ়িয়াই আশাৰ বতৰা। #asharrengoni #assamesekobita #axomiyakobita #SahityaChorcha

ফাগুনৰ নঙঠা ডালত এতিয়া বহাগৰ সুৰ বহাগ আহিবই এটি সেউজীয়া সপোনেৰে বিহংগইও নাচিব; পবনে চুমা দি যাব যৌৱনৰ শিহৰণ তুলি প্ৰকৃতি গাভৰু হব, ফাগুনৰ নঙঠা ডালত বহাগ আহি জিৰণি লব। কিন্তু !! সভ্যতাই শতিকা জুৰি পৰিবৰ্তনৰ পম খেদিছে পদ পথত অলিয়ে-গলিয়ে নঙঠা দেহ বৃদ্ধিহে হৈছে ডাচ্‌-বিনস্হ শিশুৰ ক্ৰন্দনত বৃদ্ধাশ্ৰমৰ আইতাৰো মূল্যবোধত আউল লাগিছে ; ধৰ্ষণ আৰু হত্যই চেতনাক অবনমিত কৰিছে, বহাগৰ অপেক্ষাত প্ৰকৃতিয়ে মানৱতাক ধিক্কাৰ দিছে। এয়াই পৰিবৰ্তন? #assamesekobita #axomiyakobita #parivartan #SahityaChorcha

যিমানেই যি নহওক মোৰ গাওঁখনেই মোৰ জন্ম ঠাই , লগ -সমনীয়াৰ লগত খেলা ধূলা কৰি ডাঙৰ দীঘল হোৱা মোৰ মৰমৰ ঠাই । মোৰ অন্ধকাৰ গাঁৱখনতেই সপোন দেখো এটা নতুন দিগন্তৰ । সপোন দেখো শিক্ষাৰ জ্যোতিৰে আলোকিত এখন নতুন ভাৰতবৰ্ষৰ । সপোন দেখো এখন সুন্দৰ সমাজৰ । সপোন ৰচো সোনোৱালী ভবিষ্যতৰ । মোৰ গাওঁখনতেই বিচাৰি পাওঁ মোৰ সোনোৱালী শৈশৱ। অনেক দুখৰ মাজতো ইয়াতেই বিচাৰি পাওঁ জীৱনৰ আচল সুখ । আৰু অনেক ধুমুহাৰ মাজেদি ইয়াতেই পঢ়া-শুনা কৰি আজি মানুহ হ’লো আন দহজনক মানুহ বনাবলৈ। যিমানেই যি নহওক মোৰ গাওঁখনেই মোৰ জন্ম ঠাই , লগ সমনীয়াৰ লগত খেলা ধূলা কৰি ডাঙৰ দীঘল হোৱা মোৰ মৰমৰ ঠাই। #assamesekobita #axomiyakobita #murgaon #SahityaChorcha

হিমাছল বুকুত এজাক বৰষুণ নামিচিল বৰষুণ জাকত তিটাৰ হেপা এটা আছিল। তোমাৰ হাতত ধৰি হিয়াত তোমাৰ স্মৃতি ভোৰে তেতিয়া মোক আগুৰী ধৰিছিল। তুমি হয়টো থকা হলে কিমান ভাল লাগীল হয় হেয়া মই ভাষাৰে বোজাৱ নোৱাৰিম? তোমাৰ অনুপ্ৰস্ততীতাই আজি মোক বাৰোঁকৈ নিৰাশ কৰিছে জানা প্ৰিয় ৰ্তমা #ajakborokhun #assamesekobita #axomiyakobita #SahityaChorcha

নাভাবিবি তই মোক ৰাধা বুলি নানাচোঁ মই তোৰ বাঁহীৰে সুৰত৷ হিয়া মৰম খুলি দিলো বুলিয়েই নলবি ভাবি মোক সত্যভামা বুলি৷ এচাটি পচোৱাই গছৰে পাত নচুৱাই সঘনাই৷ ধৰি নলবি তই দিয়া আঘাতক বুটলিম সদায়৷ অৰ্জুন গছৰে কুমলীয়া পাত বিনা মেঘে ব্ৰজপাত৷ সেই বুলিয়েই নসহিম মই তই কৰা পদাঘাত৷ ভালপাও বাবেই তোক সহি যাওঁ তোৰ কটাক্ষক৷ ভাৱি নলবি সদায়েই সহিম তোৰ মিছা অপবাদক৷ আহিবিনে সঁচাকৈ তই মোৰে জীৱনলৈ হৈ প্ৰেৰণা৷ ভয় লাগে তথাপিও জাননে পাওঁ যদি তোৰ প্ৰতাৰণা৷ প্ৰজ্ঞাচক্ষুৰে সাৱটিলো তোক মোৰ মনৰে অনুভৱতে৷ দুহাতেৰে বিলাই দিলোঁ মোৰেই ভালপোৱাক তোৰেই অভিমানতে৷ #assamesekobita #axomiyakobita #preyasi #SahityaChorcha

তেজেৰে তুমুৰলি দিয়া মোৰ কলিজা খনত আলফুলে পৰশ দি যায় এপাহি আলসুৱা ফুলে। কাকো কেৰেপ নকৰাকৈ সেউজীয়াৰ মাজত জকমকাই ফুলি থাকে সেই পাহি ফুলে। ব’তাহৰ তালে তালে সুগন্ধি বিলাই সেই পাহি আলসুৱা ফুলে। পূজাৰ বেলিকাও পৱিত্ৰ পূজাৰ থলিত নীৰৱে বহি জিলিকি থাকে সেই পাহি আলসুৱা ফুলে। যাৰ বাৱে পলে পলে হয় মোৰ মন বিয়াকুল, সেই পাহি মোৰ অতি মৰমৰ ৰজনিগন্ধা ফুল। #assamesekobita #axomiyakobita #rajanigandhaflower #SahityaChorcha

মই যুগৰ জীৱিত বুৰঞ্জীৰ হিয়াৰ বিপ্লৱ মাজনিশাৰ অনাথৰ কাতৰ চিঞৰ প্ৰেমাকাংক্ষী মই নহয় দেৱদাসী বিপ্লৱী পথৰ মুক্তি বিছাৰি আজি ল’লো প্ৰতিবাদৰ হেংদাঙ তুলি মাথোন লাগে পোহৰ আন্ধাৰ নথকা পোহৰ প্ৰবঞ্চিত মানুহৰ কণ্ঠ মই নসহো নসহো আৰু নিৰ্য্যাতন উৎপীড়ণ ওৰণী তলত নেকান্দো নেকান্দো আৰু মাতৃত্ত্বকো নিদিও বিসৰ্জন শাহু আইৰ থেকেচনী দেহৰ ভাগৰ চোতালৰ দুৱৰীয়েও ধৰে খোজে প্ৰতি জগৰ তোমাৰ শিলোৱা হিয়াত মোৰ নিৰাশ্ৰয়া স্বপ্নই আৰু নিবিচাৰে আশ্ৰয় নেথাকো অৰু ওৰণী তলত ৰাজ পথলৈ আহিলো ওলাই মই যুগৰ জীৱিত বুৰঞ্জী সংগ্ৰামী নাৰী অনাচাৰ অত্যাচাৰ আৰু নেথাকো সহি ফুটুকা ফুলৰ ময়েই সুৱাস সূৰ্য্য পথৰ ময়েই বিপ্লৱী নাৰী #assamesekobita #axomiyakobita #SahityaChorcha #suryanari

আন্ধাৰৰ বিৰূদ্ধে প্রতিবাদ কৰি নিয়ন লাইটবোৰ ওৰেৰাতি জ্বলি থাকে ডাঠ কাগজৰ একুৰা জুইৰ চাৰিওফালে জাৰৰ বিৰূদ্ধে এজাক মানুহ! ফুটপাথত এমুঠি অন্ন আৰু এডোখৰ বস্ত্রৰ বাবে জীৱনবোধৰ প্রশ্ন তুলি ঈশ্বৰৰ বিৰুদ্ধে প্রতিবাদ ঠেৰেঙালগা জাৰত হেজাৰ প্রতিবাদ নেওচি বস্ত্রহীন দেহবোৰে দেহৰেই উত্তাপ বিচাৰি হাঁহাঁকাৰ কৰি উঠে! কঁৰালবন্ধা পেটৰ ভোকৰ বিপৰীতে পূৰ্ণ হয় মনৰ ভোক দিনৰ পোহৰত জাতি মাটি ভেটি বিচাৰি এজাক ভূমিপুত্রৰ প্রতিবাদৰ শ্ল’গান লাগে প্রাপ্তিৰ বিপৰীতে প্রাপ্যৰ অধিকাৰ কঁপি উঠে ৰাজপথ কঁপি উঠে ৰাজসভা চলে মন্ত্রণা , আহে চৰকাৰী আঁচনিৰ প্রলোভন পুনৰ এক নতুন প্রতিবাদৰ জোৱ|ৰ উঠে অধিকাৰ বিচাৰি ন্যায়ালয়ৰ দ্বাৰস্থ এনেদৰেই চলি থাকে বঞ্চনাৰ বিৰূদ্ধে প্রতিবাদ আৰু প্রতিবাদৰ বিপৰীতে প্রৱঞ্চনা…! এনে বহু বঞ্চনাৰ বিৰূদ্ধে হোৱা প্রতিবাদক ভেঙুচালি কৰি হাতত ভিক্ষাৰ পাত্র লৈ জীৱন বৈতৰণি পাৰ কৰা মাতৃৰ কাষতে কণমানিয়ে দেখে জীৱন গঢ়াৰ সপোন।। (স্থান :গুৱাহাটী ৰাজপথ) কাঠগৰাত থিয় দি ৰয় ৰজা মহাৰজা অথবা ঈশ্বৰ।। #SahityaChorcha #pratibad #poetry #axomiyakobita #assamesekobita

মোৰ প্ৰয়সীয়ে কয় মই হেনো বলিয়া তেওঁ কিন্তূ অনুভৱেই নকৰে মইযে সুন্দৰ ভাৱে বুজি পাওঁ তেওঁ কিমান চালিয়া বাস্তৱৰ বাদে তেওঁ ভৱিষ্যত বুজি নেপায় বিস্মৃতি তেওঁৰ পদে পদে লগৰীয়া যিয়েই বিয়পাই বিবাদ মোকহে হেলাৰঙে কৰে জগৰীয়া নিজেহে নিজক বুজে আনক নুবুজে আকাংক্ষাৰ সমুদ্ৰত উটি ভাঁহি পাহৰো বুলিয়েই পাহৰি যায় সুন্দৰ শৈল্পিক তৰঙ্গযুক্ত প্ৰেমৰ ভাষা কৰ্মৰ পৰা তেওঁৰ আজৰিয়েই নাই দায়িত্বৰ কথা কিন্তু অকনো নুবুজে ক’বলগা নক’বলগা সকলো কয় ধাৰাষাৰে আনৰ কথা কিন্তু কণমানো নুবুজে নুশুনে নিজৰ দোষো অকনো নেদেখে পলে অনুপলে মোকহে দোষাৰোপ কৰে তেওঁ ওলাই গ’লে ঘৰলৈ পাহৰে তাকে ক’লে নগৰত জগৰ লাগে নাৰী নহয় নদীৰ দৰে নাৰীযে এজাক বিধ্বংসী ধুমুহা বাৰিষা খৰালীৰ ঋতুৱে ঋতুৱে নৰ নাৰী কোনোৱেই নহয় দোষী সকলো সমানে দোষী এখন তাল অকলে নেবাজে #SahityaChorcha #poetry #axomiyakobita #atakobita #assamesekobita

প্ৰেমৰ কবিতা লেখিবলৈ বহিলো শব্দবোৰে দেখোন দূৰলৈ ঢাপলি মেলিলে প্ৰেমক কলো, মোৰ হৃদয়ত থিতাপি লোৱা মই শব্দৰধাৰা হৈ তোমাক নিগৰাই যাওঁ প্ৰেমে কল, মোক স্বৰ্গীয় অনুভূতি জগোৱাচোন মই তোমাক শব্দৰ লয়লাসত উটিভাঁহি ফুৰাম মই কলো, মোক আজীৱন সংগীৰ বিশ্বাস দিয়া মই হৃদয়ৰ কোঠালিত ৰাখি স্বৰ্গোতৃপ্তি জগাম প্ৰেমে কলে, বিশ্বাস সৃষ্টি হোৱা অনুভৱহে ইয়াক বা মই দিও কেনেকৈ বিশ্বাসে দৃঢ়তাৰে মাত লগালে, আহা আমি লগ হওঁ দুয়োয়ে মানৱ শৰীৰত প্ৰৱেশ কৰি অনাবিল তৃপ্তিৰে সুখৰ সংসাৰ গঢ়োঁ। #SahityaChorcha #prembisakh #poetry #axomiyakobita #assamesekobita

আজি পকেটত এটকাও নাই, দিনটো তেনেকৈয়ে চলি যায়। নাই অভাৱ, নাই অভিযোগ। চলি গৈছে,জীৱনৰ মাদকতা খাবলৈ অলপ খাদ্য হ’লেই হ’ল। মনতে ভাৱ হয়, ভিক্ষাৰীজনটো চলি আছে? যদিও মনত পুহি ৰাখো অধিক পোৱাৰ বাসনা। মোৰ ঘৰত আজি মাছ খাম। সিহঁতৰ ঘৰত মাংস খাইছে, কাইলৈ আমিও মাংস খাম। সিহঁতে নতুন গাড়ী লৈছে, আমিও এখন নতুন গাড়ী ল’ম। সিহঁত দাৰ্জিলিং গ’ল, আমিও যাম। দুৰ্বাৰ হেঁপাহ, সকলো আজিয়েই কৰাৰ বাসনা। তাই পিন্ধা গুলপীয়া কাপোৰ জোৰ ভাল লাগিল। মোকো এযোৰ লাগিব, বিয়াখন পালেহিয়েই। চেন্ডেলযোৰ দেখোন পুৰনাই হ’ল, নতুন এযোৰ ল’ব লাগিব। খৰ-খেদা নকৰিলে সময় বোৰ যাবগৈ। মনবোৰ মুকলি, সকলো নতুন হ’ব। “আশা” কোনো এক পোৱাৰ দুৰ্বাৰ বাসনা। পল অনুপল কৰি, সকলোৰে আগবঢ়াৰ বাসনা। শিক্ষকে ছাত্ৰক ভাল কৰাৰ বাসনা, আই- পিতায়ে পুত্র- কন্যাক মানুহ কৰাৰ বাসনা। ৰাজনীতিবিদে সমষ্টিত জয় লাভ কৰাৰ বাসনা। কোনোৱে নতুন দল খুলি ৰাজনীতি কৰাৰ বাসনা। কনডাক্টৰে অধিক ভাড়া পোৱাৰ বাসনা। সকলো কেৱল মচগুল, জীৱনৰ নতুন বাসনাত। জীৱশ্ৰেষ্ঠৰ এক চাৰিত্ৰিক বৈশিষ্ট্য, আছে বাসনা, যুগ-যুগান্তৰৰ পৰা। নহ’লেনো বান্দৰৰ পৰা মানব জীৱশ্ৰেষ্ঠ সম্ভৱনে? আছোঁ আজি আমি জীয়াই লৈ বাসনা…..….। কৰিছো ভৱিষ্যত জীৱনটো ভাল হোৱাৰ বাসনা। পাহৰিছো পুৰণি কথা, ভাষা সংস্কৃতি । লৈছোঁ নৱ চেতনা নৱতম বাসনা,কেৱল বাসনা। কিছুমান অমানুহৰ বাবে জীৱশ্ৰেষ্ঠ পতন হ’লেও, জীয়াই থাকিব বাসনা, অনাদি- অনন্ত কাললৈ। #SahityaChorcha #assamesepoetry #baxona #axomiyakobita #assamesekobita