বার্তালাপ

ডাৱৰ আজি আবৰি দিয়া পোহৰক,

বৰ বিৰক্ত কৰিছে |

আজি নিৰৱতাৰ গহীন এন্ধাৰৰ সৈতে এচামুচ স্মৃতি দিয়া |

আৰু মোৰ মাৰ চকুৰ টোপাল সমাজক চাবলৈ নিদিবা |

আজিও সপোনত আহিছিলে তাই,

আজিও তাই পাহৰা নাই |

আজিও তাই আকাশৰ পৰা, মোৰ নিদ্রাহীন ৰাতিবোৰৰ শ্রোতা,

যেন মোৰ আকাশৰ অকলশৰীয়া তৰা।

ডাৱৰ অলপ বৰষুন দিয়া,

মই কান্দোনৰ অভিলাষী,

সমাজক চাবলৈ নিদিবা।

- ডাঃ গৌৰৱ দাস

টংলা সামুহিক স্বাস্থ্য কেন্দ্র