Sahitya Chorcha

জোনাকী পৰুৱাই জিলিকাই আন্ধাৰত হেৰোৱা পথ গতিময় হয় খোজ। দূৰৈৰ পঁজাত জিলিকা টিপচাকিয়ে দিয়ে সিঁহৰণ ভৰাই হিয়াৰ কৰণি। অনাবিল তৃপ্তিৰ এসাঁজ ভোকৰ ভাতত বিচাৰো সোৱাদৰ এমোকোৰা হাঁহি। #assamesekobita #axomiyakobita #bhukarbhat #SahityaChorcha

সৃষ্টিৰ ৰহস্য মানৱ জীৱন ঈশ্বৰৰ এক অনুপম অৱদান। আহিছে মানুহ গৈছে মানুহ এই পৃথিৱীত যশ খ্যাতিৰে ইতিহাস ৰচি বুৰঞ্জীত‌। কালৰ পাকচক্ৰত সময়ৰ দিয়া নিয়া খেল আঙুলিৰ ফাঁকতেই সৰকি যায় সময়ৰ ঢাল। জীৱনৰ গতি চলি যায় এডাল সৰলৰেখাত তিনিভাগ‌ হৈ অতীত, বৰ্তমান আৰু ভবিষ্যতত। তেনেকৈ ‌পাৰ হৈ গ’ল এটি বছৰ নেদেখা নুশুনা ঘটনাৰে আকস্মিক ধুমুহাৰ। কা,কৰুণা ক’ভিডে বিশ্বত লগালে হাহাকাৰ মানুহৰ সংগী হ’ল ল’কডাউন মাক্স আৰু চেনিটাইজাৰ‌। নিমাওমাও‌ পৃথিৱী‌ত মানুহক কৰিলে আবদ্ধ সচেতনতা সামাজিক দূৰত্ব হ’ল উপলব্ধ। চাৰিওফালে যেন নিয়তিৰ গোগ্ৰাস হাতুৰী জাল পেলালে এক অচিনা মহামাৰী‌। ‌মানুহৰ হাত খালি উদং অৰ্থৰ অনাতন বহুমূলীয়া সময় হল এলাগী‌ জল‌স্হল। ‌অপয্যপ্ত সময়ে পৰিয়ালক‌‌ আনন্দ দিলে ৰুচি অনুযায়ী নতুন কৰ্ম সৃষ্টি কৰিলে। যি কাম সময়ৰ অভাৱত বাদ‌ পৰি আছিল সেই কামত ন উৎসাহেৰে আগবাঢ়ি গ’ল। এই সময় ৰৈ যাব স্মৃতিৰ পটত‌‌ সদায় জীৱনৰ চাক্ষুস অভিজ্ঞতাৰ দস্তাবেজ হৈ। সুখ দুখৰ সংমিশ্ৰণত বিগত বৰ্ষ দিলো‌ বিদায় কামনা কৰিলো অনাগত নতুন বছৰ যেন সকলোৰে‌ শুভ হয়। শান্তি সম্প্ৰীতিৰ প্ৰতীক হওক ২০২১ বৰ্ষ বৈ পৰক জনশ্ৰুতি হাঁহি আনন্দৰ‌। #assamesekobita #axomiyakobita #SahityaChorcha #smritirmonikuthat2020barsha

ন সূৰযৰ প্ৰভাতী কিৰণে নতুন দিগন্তৰ সন্ধান দিব, সকলোৰে দুখবোৰ ধুই নিব অন্তৰত আঘাতবোৰ নোহোৱা হব বেদনাৰ জুইকুৰা নুমাই যাব, মাথো তুমি এবাৰ হাঁহি দিয়া উদুলি মুদুলি হব সাহিত্য চৰ্চাৰ মঞ্চৰ বাকৰি সকলোৰে লাগে মাথো সঁহাৰি মনৰ আন্ধাৰ আঁতৰ কৰি ৰজনি বিদূৰ হব, পোৱা নোপোৱাৰ দোমোজা আঁতৰ কৰি ন আলোকেৰে আগুৱাই যাম আমি সকলোৱে হাতে হাত ধৰি বিদায় ক্ষণত সহস্ৰ প্ৰণিপাতেৰে জনাও সকলোলৈকে নৱবৰ্ষৰ শুভকামনা। #assamesekobita #axomiyakobita #nababarsharsubhakamona #SahityaChorcha

শীতৰ স্নিগ্ধ পৰশত উদ্ভাসিত প্ৰতিটো ক্ষণ জীৱনৰ আঁউসী বিলীন হৈ জোনাকৰ লহৰ সানি জীৱন্ত হওঁক প্ৰতিটো মধুৰ দিন। কি আছিল কাম্য নহয় কি হ’ব তাৰেই আশাত নতুনৰ সন্ধান বিছাৰি আগুৱাই যোৱাই জীৱন পৰিক্ৰমাৰ এখনি নীলা নিভাঁজ পৃথিৱী। য’ত সৃষ্টিৰ কঠিয়া নাই তাত অংকুৰণ হ’ব কেনেকৈ, য’ত আশা নাই তাত সপোন দেখিব কেনেকৈ নতুন সৃষ্টি, নতুন আশা লৈ নতুনক আঁদৰি বিদায় অভিশপ্ত ২০২০। #assamesekobita #axomiyakobita #SahityaChorcha #suwagatam2021

নতুন তোমাক জনালোঁ স্বাগতম দীপ্ত সূৰ্য শিখাৰে বিলাই দিয়া তোমাৰ ৰং অনুপম। উজলি উঠক চৌদিশ প্ৰতি পলে দিয়ক অমোঘ মন্ত্র জীৱন জীয়াৰ। এই যুগসন্ধিৰ ভয়াবহতা আঁতৰাই পৃথিৱী তোলা পোহৰাই। হেৰাই যাওক অভিশপ্ত দিনৰ অৱসাদ অহা বাটেই উলটি যাওক কৰ’ণা নামৰ মহা ভাইৰাছ নাহক কোনোকালে এনে বিভিষিকা য’ত পৃথিৱীয়ে হেৰাই নিজৰ সমতা। নতুন বছৰে লৈ আহক নতুন সপোন, নতুন আশা নতুন দিনৰ প্ৰতিশ্ৰুতি য’ত জীৱনে পায় নতুন সঞ্জীৱনী তাৰেই কৰিছোঁ আৱাহনী! মূৰ্ত হওক প্ৰতি পল প্ৰতি লহমাই দিয়ক সুখৰ সমল! প্ৰাপ্তি-অপ্ৰাপ্তিৰ সমন্বয় এই জীৱন বলয়। অতীত বৰ্তমান আৰু ভৱিষ্যতৰ নিৰন্তৰ বেহুৰে আৱৰা জীৱনৰ সময়ৰ হাততেই জয় পৰাজয়! #assamesekobita #axomiyakobita #NABABARSHA #SahityaChorcha

অংগীকাৰ কৰিছো সুৰুযৰ প্ৰথম প্ৰহেলিকা হৃদয়ত ৰঙা দলিচা পাৰি হৃদয়ৰ দুৱাৰ খুলি আদৰি আনিম তোমাক। তেজ ৰঙা——- গোলাপৰ সুগন্ধিৰে বিয়পি পৰিব মোৰ হৃদয়ৰ চৌপাশ। অনুৰাগ——– এন্ধাৰ কোঠাত জ্বলাম প্ৰদীপ, উজ্জ্বলি উঠিব তোমাৰ তেজাল মুখৰ গাল, প্ৰফুল্লিত হ’ব তোমাৰ মনৰ আকাংক্ষা। শেষ প্ৰহৰত——- পলাশৰ ৰঙেৰে পাতিম ন বসন্তৰ মেলা, তুমি মোৰ হৃদয়ৰ উদ্দীপ্ত, বাসনা ! দুয়ো মিলি পাতিম প্ৰথম প্ৰেমৰ বতৰা। #anurag #assamesekobita #axomiyakobita #SahityaChorcha

গভীৰ ভয়াবহতা লৈ সমাগত হ’ল ২০২০ চন| মানুহৰ মনত কেৱল শংকা আৰু শংকা| বাহিৰলৈ ওলাবলৈ ভয় ক’ৰোণা ভাইৰাচৰ ৰণচণ্ডী ৰূপ, ভিতৰত তলি উদং| ভোকত কেচুৱাই কান্দিছে; কিন্তু খুৱাবহি কি? সকলোতে চলি আছে যে ল’কডাউন| শাৰীৰিক চিন্তাতকৈ জুৰুলা কৰিছে মানসিক চিন্তাইহে; পেটৰ ক্ষুধা বাৰণ কৰিবলৈযে নাই কোনো আৰ্জন| জোৰজুলুমকৈ ওলাই গ’লেও পুলিচৰ পিটন| মোখোৰা নলগালে ভৰিব লাগিব শকত ধন। ঘৰৰ ভিতৰত পেপুৱা লাগিছে জনগণ, ভিতৰত নাই খুদ-কণ; বহিঃৰাজ্যত বন্দী হৈছে আত্মীয়-স্বজন| পেটত ক্ষুধা অন্তৰত জুই, কেনেকৈ কৰিব নিৰ্বাপণ? কেউফালে মৃত্যুৰ কৰিলি, ওচৰলৈ যাব নোৱাৰে আত্মীয়-স্বজন| ভয়াবহতা,ভয়াবহতা কেৱল ভয়াবহতাৰ ছবি| বাৰে বাৰে চলিছে ল’কডাউন আৰু ল’কডাউন| ভিতৰতে সোমাই শিল্পী-সাহিত্যিকে কৰি গৈছে মূল্যাংকণ; হাততযে আহি পৰিছে অফুৰন্ত সময় কৰিবলৈ চিত্ৰাংকণ| কা-কেবকলৈ যি আন্দোলনৰ পৰিস্থিতিৰ সৃষ্টি হৈছিল ক’ৰোণাৰ বৰষুণে সকলো নিঃশেষ কৰি দিলে, পাঁচজন শ্বহীদৰ আত্মাইও শান্তি নাপালে| ভয়াৰ্ত হৈয়েই দিনৰ পিছত দিন গ’ল, মাহৰ পিছত মাহ বাগৰিল, ২০২০ৰ অন্তীমক্ষণ সমাগত হ’ল; নতুন২০২১ ক চনক আদৰণি জনাবৰ হ’ল| #assamesekobita #axomiyakobita #rumanthan #SahityaChorcha

সৰাপাতে সৰি ক’লে, মন কেনভাচৰ এটি বছৰ সৰি গ’ল। বতাহে ভাহি আহি ক’লে, মন দৰ্পনত নতুন বছৰৰ আগমন হ’ল। পুৰণি অভিজ্ঞান কৰি দিয়া অৱসান, পুৰণি কষ্ট কৰি দিয়া নষ্ট, পুৰণি বেদনা কৰি দিয়া বিনষ্ট। আকোঁৱালি লোৱা নতুন প্ৰত্যাশা নতুন প্ৰাণ নতুন হাঁহি নতুন গান নতুন প্ৰভাতী নতুন প্ৰভা। সাৱটি ধৰা নতুন আশা নতুন আকাংক্ষা নতুন প্ৰেম নতুন প্ৰাণ নতুন জ্যোৎস্না নতুন জোনাকী। হাঁহিৰে আলিঙ্গন কৰা নতুন বন্ধু নতুন বন্ধুত্ব নতুন উদ্দ্যম নতুন উদ্দীপনা নতুন বেলা নতুন বৰ্ষ। #assamesekobita #axomiyakobita #NABABARSHA #SahityaChorcha

৩৬৫দিনে এটা বছৰ ওৱালত আৰিথোৱা ঘড়ীৰ কাটাৰ দৰে অবিৰাম গতিৰে আগবাঢ়ে সময়ে। অন্ত হয় এটা দিনৰ ডায়েৰীৰ পাতত লিখিৰখা হয় হৃদয়ৰ শব্দবোৰৰ। ডায়েৰীৰ প্ৰতিখিলা পাতত লিপিবদ্ধ হয় বছৰটোৱে দিযোৱা ঘাট-প্ৰতিঘাট,সুখ-দুখ হাঁহি-কান্দোনৰ সমাহাৰ। আৰু কেইঘণ্টামানৰ পিছতে পুৰণিক বিদায়ৰ ক্ষন সমাগত। পিছে, কেনেকৈনো পাহৰো ব্যৰ্থতাই কোঙা কৰা দিনবোৰ। যি দিনত আছিল “কা”আন্দোলন চাৰিওফালে “কৰোণা” বিভিষিকাময় পৰিবেশ। পাহৰি পেলাইছিলো পৃথিবীৰ ঠিকনা। নিয়তিৰ নিৰ্দেশত গৈ থাকে সময় চকৰি। এনেকৈয়ে আহি পৰে এটা নতুন বছৰ। নতুন দিনৰ ন-ন স্বপ্নৰছি আহা আমি সকলোৱেই যাওঁ আগবাঢ়ি হাতে-হাতে হাত ধৰি নৱ-বৰ্ষৰ ন-প্ৰভাতত সুৰুযমুখি বাস্তবৰ ঠিকনা বিচাৰি। শতবাৰ নতশিৰে কৰো স্বীকাৰ বিদায়ী ২০২০ বছৰৰ বুকুত অব্যক্ত বেদনাৰে পুষ্ট মোৰ অন্তিম খন ডায়েৰী। #assamesekobita #axomiyakobita #ontimkhondolil2020rbukut #SahityaChorcha

এবাৰ তোমাৰ গীতৰ ৰাগিনী হৈ মিলি যাব খোজোঁ তোমাৰ সুৰৰ লগত। এবাৰ তোমাৰ কবিতাৰ ছন্দ হৈ মিলিযাব খোজোঁ বতাহৰ লগত। এবাৰ তোমাৰ মৌন ওঁঠৰ শব্দ হৈ বিয়পি যাব খোজো তোমাৰ হৃদয়ত। এবাৰ তোমাৰ মনত সুখ হৈ বিৰিঙি যাব খোজোঁ তোমাৰ ওঁঠত হাঁহি হৈ। এবাৰ তোমাৰ জীৱন আশা হৈ দেখাব বিচাৰোঁ তোমাক ৰঙীল সপোন। এবাৰ তোমাৰ বুকুৰ হেঁপাহ হৈ জিলিকি যাব খোজোঁ তোমাৰ চকুত আবেগ হৈ। এবাৰ তোমাৰ প্ৰেমিকা হৈ মিলি যাব খোজোঁ তোমাৰ উশাহ আৰু আত্মাৰ লগত। #assamesekobita #axomiyakobita #SahityaChorcha #Tumarpremika

সূৰ্যৰ শক্তি কিমান অস্ত আকাশৰ জিলমিল পোহৰেৰে পশ্চিমৰ ৰঙা বেলিটোৱে ৰিঙিয়াই কৈ যায় মই আহি আছো পুঁৱাৰ বতৰা লৈ। কোনো সংঘাতে জানো ৰুধিব পাৰিব আমাৰ যাত্ৰা পথ আমি উদিত সূৰ্যৰ একো একোটা জলন্ত অগ্নিপিণ্ড। কোনো শত্তিয়ে কোনো দমনেৰে কোনো বাৰুদৰ শক্তিৰে নিঃশেষ নোৱাৰে কৰিব আমাৰ যাত্ৰা পথ। আমি আগবাঢ়ি যাম আন্ধাৰ ফালি পৰাধিনতাৰ শিকলিছিঙি উদিত সূৰ্যৰ উজ্বল জ্যোতিক বুকুত বান্ধি লিখি যাম ন-নসৃষ্টিৰে অসমী আইৰ চিৰ নতুন গান। #assamesekobita #axomiyakobita #SahityaChorcha #Tumiekunajana

কেতিয়াবা হৃদয়ত ভাবৰ অভাব, কেতিয়াবা শব্দৰ আৰু কেতিয়াবা অনুভব বিহীন হৈ পৰে হৃদয়। মনৰ জড়তা ভাঙিবলৈ বিভূৰ হৈ চাই ৰওঁ শূন্য আকাশৰ ফালে। মনৰ জোখাৰে হৃদয় খন শীতলাবলৈ মৌচুমীয়ে অনা বতাহ জাকৰ মাজত। ভাল লগা আৰু ভালপোৱা এই বিস্তৃত পৰিধিৰ মাজত এক বুজাব নোৱাৰা সীমাহীন ব্যবধান। প্ৰতি পল অনুপল কৰি জীৱন গৈ আছে তাৰ আবেষ্টনিৰ মাজত মাত্ৰ লুকাই থাকে ভাল লগা আৰু ভাল পোৱাৰ এটি অনুভবৰ পল। কিছুমান ভাল লগা মূহুৰ্ত অনুধাবন কৰি থাকোতেই সময়ে সেইবোৰ কাঢি লৈ যায়। দি যায় মাত্ৰ আপোনত্বৰ সুৰ। এতিয়া মাথোন হেৰুৱাই পেলোৱা শব্দবোৰ যোৰা লগাই সপোন ৰ’চো আৰু হৃদয়ত বাজি থকা স্পন্দনৰ প্ৰতিধ্বনিত কবিতা লিখো। #assamesekobita #axomiyakobita #SahityaChorcha #spandan