মা

১ যাৰ বাবে মই সৃষ্টিকৰ্ত্তাৰ সৃষ্টি মানৱৰ ৰূপ লৈ এই ধৰাত উমলিছোঁ তেৱেঁ মোৰ বন্দিত মৰমৰ মা। ‌২ যাৰ বাবে মই বিশ্ব ভুৱনৰ পঞ্চতত্ত্বৰ ৰূপ অগ্নি,জল,বায়ু,ধৰা,আকাশৰ সৌন্দৰ্য্যক ভোগ কৰিব পাৰিছোঁ তেৱেঁ মোৰ বন্দিত মৰমৰ মা। ৩ যাৰ বাবে মই প্ৰতিটো ঋতুৰ প্ৰতিটো ক্ষণ দৰ্শন কৰিছোঁ তেৱেঁ মোৰ বন্দিত মৰমৰ মা। ৪ যাৰ বাবে মই পোহৰ এন্ধাৰৰ হৃদয়গ্ৰাহী ৰূপ পূৰ্ণিমা-আঁউসী উপভোগ কৰিলোঁ তেৱেঁ মোৰ বন্দিত মৰমৰ মা। ৫ যাৰ বাবে মই এই বসুধাৰ মায়াপী মানৱৰ লগত জীৱনৰ ত্ৰিছ টি বসন্ত ওমলিলোঁ তেৱেঁ মোৰ বন্দিত মৰমৰ মা। ৬ যাৰ বাবে মই মোৰ জীৱনৰ শৈশৱ, কৈশোৰ আৰু যৌৱনতাক হৃদয়ঙ্গম কৰিলোঁ তেৱেঁ মোৰ বন্দিত মৰমৰ মা।

#assamesekobita #axomiyakobita #maa #SahityaChorcha