Dec 21, 20201 min
নিশা পোষ্টেলৰ
যোগেদি অহা
অশ্ৰুলেখাৰ সেই
নীলা খামৰ চিঠিখন
মোকলাই চালোঁ
তাইৰ মৌ বৰষা
হৃদয়ৰ বতৰাবোৰ
পুৱা বেলিৰ
সেন্দুৰীয়া পোহৰত।
হঠাতে এটা
শেন পক্ষী আহি
থপিয়াই লৈ গ’ল
অশ্ৰুলেখাৰ চিঠিখন,
নিলীম আকাশত
সমীৰণৰ তালে তালে
উৰি ফুৰিছে অশ্ৰুলেখাৰ
হৃদয়ৰ ভাবৰ বতৰা বোৰ
আৰু তাইৰ দুহাতৰ পৰশত
উজ্বলি উঠা উকা কাগজ
আৰু নীলা চিঁয়াহীৰ
শব্দৰ মুকুতা বোৰ।
#assamesekobita #axomiyakobita #Nopadhrachithirbotora #SahityaChorcha